Сэтгэл санаанд үзүүлэх нөлөө:

Бусад эфирийн тосны адилаар шимтэглэй нь сэтгэл санаанд эерэг нөлөө үзүүлнэ. Стресс, ядаргаа, дарамт, айдас хүйдэс, санаа зовинол гэх мэт сэтгэл санааны гутралыг анагаана. Биеийн болон сэтгэл санааны идэвхитэй үйл ажиллагааг дэмжинэ. Гэхдээ хамгийн гол нь өөртөө итгэх итгэлийг нэмэгдүүлдэг. 

Эмчилгээний шинж чанар:

Эрт дээрээс шимтэглэйг чих хамар хоолойн өвчлөл, хоол боловсруулах системийн, зүрх судасны өвчлөлийг анагаахад хэрэглэж ирсэн байна. Мөн түүнчлэн сүүлийн үед цусан дахь сахарын хэмжээг тогтворжуулахад, үрэвслийг намжаахад буюу дааврын хэмжээг тогтворжуулахад хэрэглэдэг учраас эмэгтэйчүүдийн тос хэмээн нэрлэгддэг байна.

Арьс болон гоо сайхны нөлөөлөл:

Энэхүү тосыг бүх төрлийн арьсны, бүх төрлийн гоо сайхны бүтээгдэхүүнд хэрэглэдэг. Арьсанд өгөх тэжээл, залуужуулах, чийгшил өгөх чанартай учраас арьсны өнгөн хэсэгт илүүтэй үйлчилж, үрчлээ арилах, залуужуулах шинж чанартай. Энэ тосыг ихэвчлэн асуудалтай, шилжилтийн насны эсвэл хэтэрхий хуурайшилттай болон эсрэгээрээ хэт тослог арьсанд хэрэглэдэг. 

Эсрэг заалт буюу хэрэглэж болохгүй тохиолдлууд:

Мөн л дааврын өөрчлөлтийг авчирдаг учраас жирэмсэн болон хөхүүл эмэгтэйчүүд хэрэглэхийг хориглоно. 6-с доош насны хүүхэд хэрэглэхийг хориглоно. Шимтэглэйн тосыг 3 долоо хоногоос илүү хугацаагаар хэрэглэхийг хориглоно. 2 долоо хоног хамгийн тохиромжтой.